COVİD-19 xarici təsirli infeksiyadan heyvan mənşəli virusa çevrilə bilər.

Axar.az xəbər verir ki, bu sözləri Qamaley adına Milli Epidemiologiya və Mikrobiologiya Tədqiqatlar Mərkəzinin direktoru Aleksandr Gintsburq deyib.

“İlk koronavirus dalğasına xarici təsirlər səbəb olmuşdu. Bu virus böyük hava limanlarından yayılmışdı. Hazırda isə müxtəlif yerlərdə virus mərkəzləri mövcuddur və bu mərkəzlər ətrafında vektorial və halqavari yayılması prosesi davam edir. Əgər gələcəklə bağlı proqnoz versək, deyə bilərik ki, bu koronavirus öz strukturu səbəbindən müxtəlif dəri səthlərinə yapışdığı üçün ev heyvanlarında, kənd təsərrüfatı heyvanlarında və digər canlılarda çoxala bilər”, - deyə alim bildirib.

Gintsburq əlavə edib ki, COVİD-19-un heyvan mənşəli virusa çevrilməsi mənfi proses olmaqla yanaşı, insanın heç vaxt bu tip virusa qalib gələ bilməyəcəyi anlamına gəlir.