Bu yaxınlarda Ermənistanın girovluğundan azad edilən Şahbaz Quliyevin anası Sənəm Quliyeva bu gün vəfat edib.
Axar.az xəbər verir ki, bu barədə Modern.az-a keçmiş girovun dostları məlumat verib.
Xatırladaq ki, Şahbaz Quliyev Dilqəm Əsgərovla birgə 2014-cü ildə Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər. Onlar 2020-ci dekabrın 14-də əsir və girovların qarşılıqlı qaytarılması zamanı Bakıya gətiriliblər. Bir müddət xəstəxanada müalicə aldıqdan sonra evlərinə buraxılıblar.